روّحو عني

روّحـــــوا عــنــــي

روّحــوا عــنـي وأنا عيني عــلى الـبــاب

واتـركـوني وأنـا أناظـر الــوقت يـجـري

والـوقت ثابت والـدقـايـق عجـاربها تنساب

بمهل دقات تـمـضــي كأن الـوقـت دهــري

وأظلمت الدنيا قبل ما تظلــم بالليل أسـباب

والشمس بـكـبـد السما لازال نــورها يسري

كأن الباب اللي إنصفق وراهم باب محراب

ونهاية عمر من ما مضى من قـــديم عمري

ودمع عيني بالـصـدر يـنـزف من جرح وناب

ولا بينت إلهم دمع عيني اللي بالصدر يجـري

ولا كنت أقــدر أن ارفع عيني لهم بأعــتـــاب

ولا قـدر ينطــق لـسـاني بحكي وكلام جهري

وظلّت غبنتي بالصدر وعيّت تـطــرق الـباب

وتشكي ولـَهـّا وتنثر كلامن بالصدر نــثــري

وصخّت الدنيا وحل السكون الــدار بـغــراب

وأظــلم الـوقـت ونـور السـنا بالبيت ظـهـري

وحسيت أن البيت بياكلني وصارللبيت أنياب

وحلت الغربة الدار من بعد فـــراق عـمـري

يا طول صبري على الغربة وفـقـد لـصـحاب

وطول الزمن يجري على مهل دقات صدري

وبعد فرقاهــم حلفت ما أترك أناظـر الــبــاب

وأعلّق أمل رجعة الدار للغالي بالصدر قهري

والليل كم كان الليل يسليني بأحــلامـه أعـذاب

ويصبح الصبح ولا لاح لال إبــســمــا صدري

بيظل ذكـــركم دايــم يرحــل في نسمة أهــباب

وفي ريـح الصبا لي هـب لي عسعس الـفجـري

وبينشر عطركم على الناس أصحاح وأجــراب

وبيشفي ذكــركم صدر كل مـعـشـــوق نـحــري

بواحمد